القائمة الرئيسية

الصفحات

افضل تطبيقات الاندرويد لعام 2020 لا يمكن ان يخلو هاتفك منها




                                           اهلا يا وزارجيه💜



معاكم اخوكم محمد حسن ( El sheikh )
دلوقتي هنزلكم كام برنامج حلوين ومساحتهم صغيره تتراوح من 5 الى 15 MB ومنهم موجود ف المتجر تابع البوست والكومنتات...
*ملحوظه*
انا معرفش مين مطورين البرامج ولا حاجه عشان محدش يجي يقول انى بعملهم إعلان ولا حاجه
الفكره انى استفدت منهم وقولت افيدكم
نبدأ بسم الله والصلاه والسلام على رسول الله
قبل ما تقرا لايك وكمنت عشان يوصل لغيرك
وكل لينك البرامج وصورها ف الكمتتات
1- تطبيق Codeaty
لتعلم لغات البرمجه وهتلاقي عليه كورسات HTMl وكورسات اخرى وشرح كل شيء بطريقه بسيطه وفيديوهات ومجاني اظن مفيش احسن منه (بدل من هبداليوتيوب )
-------------
2- تطبيق NovaTV
ده بقى معظمكو بيدور على نتفيلكس وكده وهيموت على اك نتفيلكس... وداعا نتفيلكس!!!
البرنامج مجاني تقدر تسمع عليه اي فيلم او مسلسل وانت ال بتختار الترجمه عادى سواء عربي انجلش اى شيء
ومقسم الى فئات زى افلام - مسلسل - برامج
كوميدى- اكشن - رعب - دراما وهكذا
وممكن انك لو عايز تحمل الفيلم على الفون عادي تنزله لو بدك تسمعه ف الشغل او المواصلات يعني
وموجود فيه السيرفرات الخاصه بالأفلام بمعنى انك انت ال تحدد الجوده عشان لو النت عندك ضعيف ولا حاجه وجودته عظمه أنصحكم بيه يعني 
التطبيق ال يعتبر شبه NovaTV وفيه مميزات بردو والفيلم مش هيقطع منك وانت بتسمعه
اسمه Cyberflix Tv
-------------
3- تطبيق AppBlock
ده بقى فاجر بمعنى! انك لو مدمن سوشيال وبتضيع وقت كتير ممكن تقفل الفون او برامج معينه .. مثلا .. لو عايز تقفل الفيس او الواتس لأنهم بيضيعو وقتك بتدخل على البرنامج وتحدد البرنامج ال عايز تقفله وتحدد الوقت ال عايزه يقفل فيه ومستحيل يفتح الا بعد الانتهاء من الوقت
-------------
4- تطبيق Drops
ده بقى لو عايز تتعلم اى لغه تيجي في بالك اي لغه وبطريقه سهله وبسيطه وبيعمل امتحانات
انا هستخدمه ف الاجازه ان شاء الله
-------------
5- تطبيق Videoder
ده بقى يبشا بيحمل اى صوره او فيديو او اغنيه من اى موقع سواء فيس او انستا او الساوند او التيك توك اى موقع انت عايزه وبيدعم يوتيوب بردو (بينزل من اليوتيوب عادى يعني)
-------------
6- تطبيق Remove unwanted content for touch-Retouch
نيجي بقا للجمدان😎 البرنامج كله بيدور عليه حرفيا.. ده مثلا لو متصور صوره ووراك كتف صاحبك ظاهر او في ورق على الارض او اى حاجه زى كده بيمسحها ومش بيبان ف الصوره انك مسحتها وبيعمل ايديت عادى مش هرغي كتير فيه بس تقدر تجربه بنفسك
-------------
7- تطبيق( مرحبا ترجمه )
افجر برنامج شوفته للترجمه مش عارف اشرحه ازاى بس هقول نبذه عنه او ممكن تشوف شرح فيديو يوتيوب
المهم ده مثلا لو انت فاتح واتس وبتكلم وتكه اجنبيه مش كل دقيقه تاخد كوبي وترجم! لا يبشا ده بيكون ف الشاشه شيء عباره عن عدسه او علامه بحث بمجرد انك تمرر العدسه على الجمله من غير كوبي بيترجمها ولو عايز المحادثه كلها عادى
نيجي بقا لو انت عايز تبعت تعمل اى؟ ترد عادى ب العربي وقبل م تعمل إرسال تمرر العدسه على الجمله وهتترجم وتعمل إرسال بس كده
-------------
8-تطبيق Ar ruler app -tape measure & camera to plan
ده بقى يبشا مش كله هيستفاد منه
هوة عباره لو انك شغال ف حاجه محتاجه مساحه وكده وقياس او عايز تقيس طول السرير او الباب وكده .. كل ال عليك انك تفتح البرنامج هتفتح الكاميرا وهتمررها على الحاجه ال عايز تحسب طولها وهوة هيحسب الطول وكده بدل المتر والحاجات التقليديه دى
مش بيشتغل على كل الفونات للاسف 💔
------
9-تطبيق المصمم العربي
ده بقى ناس كتير هتستفاد منه 😙
هوة عباره انك تصمم صوره لبيدج او اسم ليك تعمله خلفيه او تعمل ايديت او تدمج صورتين او تكتب عباره ب الخط ال عايزه وموجود 100 خط وفيه مميزات كتيره جربه بنفسك عشان لو قعدت اشرح مش هخلص + هوريكو حاجه بسيطه عملتها ب اسمي ف الكمنتات
---------
10- تطبيق flychat
تطبيق Direct chat
الاتنين نفس الشيء وشوف ال يعجبك وانا بفضل flychat المهم ده عباره عن انك لو عايز رسائل الواتس تجيلك زى الماسنجر كده (ال هيه البلونه بتعت الشخص ال بيكلمك وصورته واسمه ) ده هيفيد ف اي؟ هقولك بقا ده لو انت فاتح يوتيوب او فيس وحد بعتلك رساله مش شرط انك تقفل يوتيوب وتفتح واتس عشان ترد لا يخويا ده هيظهرلك زى بالونه الماسنجر كده وهيفيدك ف ان لو حد بعتلك فيرس حرق شات وانت مش معاك نسخ وكده ممكن ترد من خلاله عادى جدا حتا لو كان باعت اي
وكمان البرنامج ده بيتطبق على الانستا وماسنجر لايت وتويتر اي حاجه فيها رسائل المهم تفعله من جوه البرنامج
---------
لو عندك اي سؤال قول ف الكمنتات وياريت يعني لو استفدت عرفني وشجعني انزلكم تانى 💜


#ElSheikh

                                             لينكات البرامج ميدياا فاير والحساب الشخصي للتواصل





هل اعجبك الموضوع :

تعليقات

تعليق واحد
إرسال تعليق

إرسال تعليق

التنقل السريع